Wihnachtsfieer mit de Klönsnacker

"Kurt-Dunkelmann-Stuw" (Neptuntreff der BG Neptun), Helsinkier Str. 38 18107 Rostock

Ok disset Johr güng dat in de Kurt-Dunkelmann-Stuw tau´t Johresenn´ wihnachtlich tau. Bi Gläuhwien, Stollen, wihnachtliche Musik un ein poor lustige un ok nahdenkliche Riemels güng dat kommodig tau. All hemm´ sick up disse gemeinsame Stunn´ freut.

Uwe Süssmilch, Jürgen Wittmüß un Karin Möller harr´n sick gaut vörbereit´t, aewer ok de Gäst hemm´ mit ehre Wihnachtserläwnisse den Nahmeddag afrund´t. Klaus Decker spälte up siene Treckfiedel Wihnachtsleeder un all süngen fidel mit. Tau´n Afschlut verdeilte de Wihnachtsmann ein poor Bläumings un ok wat tau´n Naschen. Hei bedankte sick bi all de Lüd, de dissen Dag tau ein Biläwnis makten.

Ick mücht mi bi all de Frünn´ bedanken, de mi in´t verlädene Johr ümmer wedder hülpriek tau Siet stahn hemm´. Ick wünsch all ein schönet Wihnachtsfest in de Familie un ´nen wunnerschönen Start in dat niege Johr. Blieft gesund un munter un wi seih´n uns denn an´n 21.Januor in de Kurt-Dunkelmann-Stuw´ wedder.

Sigrid Malewschik

Text: Sigrid Malewschik, Plattdütsch: Eva Dittberner

Fotos: Eckhardt Maibauer und Holger Ahrens

Zurück