Wihnachtlichet Programm mit de Plattsnacker

"Kurt-Dunkelmann-Stuw" (Neptuntreff der BG Neptun), Helsinkier Str. 38 18107 Rostock

Tau´n schönen wihnachtlichen Nahmeddag wieren uns Vereinsmaaten un Gäst in de Kurt-Dunkelmann-Stuw´ inlad´t. All´s wier schön indeckt un dat hett na Kauken un Glühwien duft´t. Ok Punsch ut Sanddurn-Nektar geef dat. De Veranstaltung wier gaut besöcht un de Stimmung grotorrig. Eva Dittberner harr ehr Keyboard upstellt un dorup Wihnachtsleeder spält. Texte harr sei ok mitbröcht un an de Sangesfreudigen verdeilt. Uns Vörsitter  begrüßte de Gäst un stimmte sei glieks mit ´n Riemel up de Veranstaltung in.

Denn legte Eva los. Väle wihnachtliche Leeder spälte sei un all hemm´ düchdig mitsungen. De Glühwien hett de Tung löst un de Kähl wiet makt. Ein na den annern von de Maaten un Gäst nehm nu de Gelägenheit wohr, üm sülwst ´nen Riemel orrer ´ne Geschicht vörtaudrägen. Dat wull gor kein Enn´ nähmen.

De Tiet güng fix vörbi un all verafschied´ten sick mit de besten Wünsche för de Wihnachtsdag un för dat niege Johr. Välen Dank an all, de bi de Vörbereitung un Dörchführung mithulpen hemm´.

Fotos: Hartmut Christoph und Holger Ahrens

Zurück