Wihnachtlicher Nahmeddag

"Kurt-Dunkelmann-Stuw" (Neptuntreff der BG Neptun), Helsinkier Str. 38 18107 Rostock

"Wihnachten steiht vör de Dör"

De letzt Veranstaltung in´t Johr in de Kurt-Dunkel-Mann-Stuw hemm´ wi in kommodige Runn´ mit Glühwien un Stollen verbröcht.

De Stuw wier gaut besöcht un de Glühwien treckte in de Näs un makte Appetit. De Klönsnacker bröchten ein schönet Programm mit Musik, Läuschen un Riemels ut de Wihnachtstiet.

Karin, Christine, Jürgen un Uwe bröchten de Tauhührers tau´n Hoegen un tau´n Nahdenken, denn Wihnachten ward oewerall anners fieert un väle hemm´ sick an ehre Kinnertiet erinnert. Klaus hett de Musik mit siene Treckfiedel dortau makt. Dat wür all düchtig mitsungen un schunkelt un bi ´n Glühwien orrig taulangt.

Mit de besten Wünsche tau dat Wihnachtsfest un tau´t niege Johr hemm´ sick denn all verafschied´t. Hartlichen Dank an de, de tau de schöne Fieer bidragen hemm´ un ick freu mi up ´ne wiedere gaude Tausamenarbeit in´t nächste Johr.

Sigrid Malewschick

Fotos: Hermann Peters

Thema: "Wihnachten steiht vör de Dör"

Programmgestaltung: De Klönsnacker

Anmellungen unbedingt nörig ünner Tel.: 0381 / 1207768 bi Sigrid Malewschik

Zurück