Wi fieern Fasching in de Trotzenburg

Forsthausbrauerei Trotzenburg, Tiergartenallee 6 18059 Rostock

Wi fieerten Fasching an´n 29. Hornung 2024

Mann, oh Mann!  Wat hemm´ wi fieert. Mihr Maaten un Maatinnen as dacht, sünd kamen. Uns Nico hett mit sien Keyboard orrig Musik makt un schöne Leeder sungen. Dat hett soväl Spaß makt. All´ hemm´ mitsungen un ok danzt. De Kostüme wieren priesverdächdig. Dat nächst Mal warden wi drei Priese för de besten Kledaschen vergäben. För ´ne besonnere Inlag hett  uns nieger Vereinsmaat, Hermann Gall, sorgt. Hei bröchte ´ne lütt Gitarr tau´n Vör-schien un spälte dor einfach up los un süng dortau. Dat wier ´ne dulle Oewerraschung un hett orrig för Stimmung sorgt. Uns Uwe wier ok mit von de Partie. Hei snackte as Seemann mit de lütt Seejungfru. 

Dat wier ein schöner Vereinsnahmeddag. Wi hemm´ uns all´ wunnerbor amüsiert.

Text: Eva Dittberner     

Välen Dank an de Fotografen: Hartmut, Jutta, Sigrid un Eva 

     

Hier ward orrig Fasching fieert.

 

Zurück