Vereinswihnachtsfieer

OZ-Medienhaus, Richard-Wagner-Str. 1A 18055 Rostock

Wedder hett uns ein fieerlich schmückter Rum in´n OZ-Gebäude in Empfang nahmen.
Ok Karin Tanz bröchte schöne Wihnachtsgestecke mit Wasslichter für de Dische, obwoll sei sülwst an de Fieer nich deilnähmen künnt. Hartlichen Dank dorför!

Klock drei hemm´ sick de Vereinsmaaten infunn´n.
Uns Vörsitter, Jürgen Wittmüß, begrüßte de Maaten un Gäst.
Sigrid Krüger harr ok all den Disch mit de leifvull inpackten Priese för de Tombola herricht´t. Dat geef nu Kaffe un Kauken, den Mandy Mormann, Elisa Schwarks Mudder un ehr Tanten för uns backt hemm´. De hett wunnerbor schmeckt. All hemm´ düchdig taulangt.
Nu warden de Lose för de Tombola verköfft. In den Lospott hett jeder mal rinlangt.

Denn keem de Höhepunkt von disse Fieer. De Grupp "Nuurdwind" hett uns ein wunnerboret Programm bröcht. Uns Präsident, Uwe Süssmilch, is mit Vertellers un Riemels insprungen, dor drei Mitglieder von de Grupp krank wieren. Dat wier liekers ein duller Vördrag. Schöne Wihnachtsleeder hemm´ se sungen un bina allet in Plattdütsch. Nu ward dat Geheimnis von de Tombola lüft´t. De Losnummern warden upraupen. Jedet Los wier ein Gewinn un wenn dat ok mal blot ein Trostpries wier. De Erlös von de Tombola hett 32,00 € ergäben un keem in de Spennbox för de Kinnerkräwtstation. Wi bedanken uns hartlich bi Sigrid un Maike Krüger. Dorna wier dat Abendäten farig. Dat hett Antenkülen mit Rodkohl un Tüffelklöß gäben. Dat schmeckte sihr gaut.

Na dat Abendäten wier de Fieer so gaut as tau Enn´, dor väle Vereinsmaaten un Gäst upbraken sünd. Aewer dat geef noch ´nen harten Kiern, de sick üm Klaus Decker mit siene Treckfiedel versammelte. Jörg Bitter, Wilhelm Münchow un Karin Möller bröchten ok noch ein poor Riemels vör.
Dat wier ein gauder Utklang von disse schöne Wihnachtsfieer.

Fotos: Eva Dittberner und Hermann Peters

Programmgestaltung: Folkloregruppe Nuurdwind un de Klönsnacker.

Anmeldung bis zum 08. Dezember 2016 bei Eva Dittberner, Tel.: 0381/8098650 oder
bei Sigrid Malewschik, Tel.: 0381 / 1207768

Zurück