Vereinsnahmeddag mit Faschingsfieer

Forsthausbrauerei Trotzenburg, Tiergartenallee 6 18059 Rostock

Ok in´n Plattdütsch-Verein wür Fasching fieert.

Ick heff nich dacht, dat so väle Vereinsmaaten kamen sünd. Dat hett orrig Spaß makt. All hemm´ sick orrig rutputzt mit lustig Kledasch, ´nen bunten Haut, rode Näs un Prük. Wi harr´n ok ´nen Schandarm dorbi, de up all uppaßt hett. Hans-Jürgen makte ´ne ganze Stunn´ein schönet Programm mit Leeder up Treckfiedel, Gitarr un Snutenhobel. Twüschendörch vertellte hei fidele Geschichten un bröchte all tau´n Mitsingen un Schunkeln. Anschlutend wier Nico an de Reihg un spälte tau´n Danz up. Dat güng denn orrig rund.  So ´nen schönen Abend hett dat lang nich mihr gäben. Jedein hett mitmakt, keinein makte ´ne suer Mien.

                                                        Välen Dank an de Organisation un de Akteure.

Text: Eva Dittberner

Fotos: Hartmut Christoph und Eva Dittberner

Mit ´n bäten Faschingskledasch makt dat mihr Spaß

Zurück