WIR LIEBEN COOKIES
Vereinsnahmeddag in de Trotzenburg mit Gäst
Forsthausbrauerei Trotzenburg, Tiergartenallee 6 18059 Rostock
Riemels un Vertellers mit Maaten von´n BNA
Riemels un Vertellers in de Trotzenburg mit de Maaten von´n Bund Niederdeutscher Autoren.
Wenn`t buten kolt is, maakt man sick dat in`n Warmen gemäutlich! Dat passerte an`n 24. Novembermaand in de Rostocker Trotzenburg. Dor luerten fiefuntwindig Plattfrünn` von`n „Klönsnack-Rostocker 7 e.V.“ up de Läsung von`n BNA! Vier Maaten, nämlich Norbert Schröder, Florian Wille, Wilfried Rachow un miene Wenigkeit hemm` sick bannig väl Mäuh gäben, üm nich langwielig to wirken! So hebben jedereen von uns fief, söß Vertellers un Riemels vörläst.
Doran süht man ok, dat Platt nich glieks Platt is – de Schriewwies un ok de Themen von de Plattläsers wieren bannig ünnerscheedlich! So`n Veranstaltung warden wi in`t ierst Quartal 2023 in Niegenbramborg wedderhalen, oewer dann süllen dree, vier Rostockers von Juuch Verein vörläsen!
Een gesegnetes Wiehnachtsfest, eenen goden Rutsch in`t niege Johr un best` Gesundheit wünschen Juch vier Maaten von`n BNA, MV!
Norbert, Florian, Wilfried un Uwe in`n Novembermaand 2022
Uwe Schmidt
Fotos: Eva Dittberner
