WIR LIEBEN COOKIES
Vereinsnahmeddag in de Trotzenburg
Forsthausbrauerei Trotzenburg, Tiergartenallee 6 18059 Rostock
Unse Vereinsmaatinnen un Vereins-maaten hemm´ dat ok mal giern, wenn sei tau unse Veranstaltungen tau Wurt kamen, klönen un ok wat vörläsen können. Dat makt väl Spaß un föddert de Geselligkeit. Genau so makten wi dat an´n 27.10.2022. De Vörsitter begrüßte alle Maaten un Eva makte den Anfang mit ein Gedicht tau´t Koordenspälen un vertellte ´ne Geschicht oewer de Blitzerie up de Straten. Wierer güng dat denn mit dat Geschichtenvertell´n mit Eckhardt Maibauer, Heidi Höfs, Ille Melle un uns´n Vörsitter. Denn meldt´te sick ok Hans-Werner Buchholz tau Wurt un vertellte ´ne Geschicht ut eigen Erfohrung. Hei will bi uns Vereinsmaat warden. Dat freut uns bannig, is hei doch ein Minsch, de gaut plattdütsch räden kann un ok kein Schuch vör´t Upträden hett. As ümmer geef dat noch´n bäten Musik. Anke, Hans-Jürgen un Jens munterten de Maaten noch mit ein lütt Programm up.
Dat wier ein schöner Vereinsnahmeddag.
All Maatinnen un Maaten wieren taufräden un uns Vörsitter ok.
Välen Dank an de Vertellers un Musiker.
Text: Eva Dittberner
Fotos: Hermann Peters und Renate Anders
