Vereinsnahmeddag in de Trotzenburg

Forsthausbrauerei Trotzenburg, Tiergartenallee 6 18059 Rostock

Trüchblick up den Vereinsnahmeddag an´n 24. Oktober 2019

Tau unsen Vereinsabend in’n Oktober harr´n wi uns as Gastreferent, Herrn Hartmut Olthoff, von‘n Präventionsrat Rostock inlad´t.

Thema von’n Abend wier Alterskriminalität.

An Hand von väle Bispäle hett Herr Olthoff uns de kriminellen Aktivitäten upwiest, de dor von’n Enkeltrick bet hen tau ominöse Schriewen von angäwliche Arwschaften, von´n Besök von falsche Füerwehrlüd un Polizisten reikten. De Vördrag wier siehr interessant un de vörgegäbene Stunn‘ vergüng as in´n Flug. För uns all wier dat würklich lihrhaft un Anlat, mihr uptaupassen, wenn Unbekannte anraupen orrer an de Dör klingeln. Wi müchten uns noch ganz hartlich bi Herrn Olthoff bedanken.

Text: Jürgen Wittmüß

Ick möt mi ümmer wedder wunnern, wenn in´t Radio orrer in de Tiedung wat oewer Lüd vertellt ward, de up so ´ne Tricks rinnfoll´n sünd un väl Geld verluren hemm´. Dat sünd suer verdeinte Erspornisse de sei för legere Tieden trüchleggt harren. Dat vergeiht kein Dag, wur nich oewer de Gefohren warnt ward un dat vergeiht ok kein Dag, wur nich oewer niege Fälle spraken ward. Wenn mien Enkel wat von mi hemm´ will, denn sall hei gefälligst mit mi sülben spräken un nich annere Minschen vörschicken un man süll ok nich up all de Telefonanraupe vertrugen. Dat heit, ümmer wachsam sien un sick för so´n Pack schützen. Ick denk, dat is ok ut disse interessante Veranstaltung rutkamen.

Eva Dittberner

Fotos: Hermann Peters

Zurück