WIR LIEBEN COOKIES
Vereinsnahmeddag in de Trotzenburg
Forsthausbrauerei Trotzenburg, Tiergartenallee 6 18059 Rostock
Trüchblick up den Vereinsnahmeddag an´n 26. September 2019
Uns Videoabend wier sihr välsietig. Gisela Külz, de Fründin von uns´n Werner Völschow, de för ümmer von uns gahn is, zeigte uns tau´n Gedenken an em ein Video, dat an´n 08. Juli 2018 von Reinhard Frentz upnahmen wür.
De russische Pianist Wassilij Kulikow ut Perm harr Werner bäden, tau sien Klavierspäl tau singen. Werner hett dat ok na rieplig Oewerlägung dan. Hei süng von Mussorgski „Lied des Mephistopheles in Auerbachs Keller” „Der Floh”. Dat wier gaut antauseih´n un antauhüren. In´t Öller von 85 Johr noch so tau singen wier würklich gaut. Wi bedanken uns hartlich bi Fru Külz för dissen Bidrag tau unsen Vereinsabend.
Anschlutend hett Eva Dittberner noch ´nen Utschnitt ut ´n Video zeigt von ´nen Vereinsabend up „Johnnys Häuhnerhof”. Dor hett Werner Völschow ein Märken vörläst. Dorna folgten twei Videos von unse Vereinsutfohrten, de von Hartmut Christoph makt worden sünd. Twischendörch wür äten un drunken un oewer olle Tieden snackt. Wilhelm Münchow un Eva hemm´ noch mit´n poor Läuschen un Riemels ´nen lütten Bidrag tau de Ünnerhollung leist´t.
Dat wier ein schöner, interessanter oewer ok nahdenklicher Abend.
Text un Fotos: Eva Dittberner
Bild mit Pianist Wassilij Kulikow un Werner Völschow von dat Video von Reinhard Frentz affotografiert
