WIR LIEBEN COOKIES
Vereinsnahmeddag in de Trotzenburg
Forsthausbrauerei Trotzenburg, Tiergartenallee 6 18059 Rostock
Disser Vereinsnahmeddag an 28. März wier ein vuller Erfolg. Dat wier je ok klor, wur Wolfgang Mahnke ut siene Bäuker läst, dor kamen ok väle Lüd´. Wi hemm´ nich slecht staunt, as bi uns Indrapen de Saal all vull wier un dat müßten noch Stäuhl un Dische rinbröcht warden. Wi freuten uns oewer doroewer. Wolfgang läste ut sien nieget Bauk "Returkutsch". De Geschichten wieren tau´n Hoegen un tau´n Nahdenken. Man harr´ ´ne Stecknadel tau Bodden fall´n hüren künnt, as Wolfgang anfüng tau läsen. Siene Vördragswies is je ok gaut antauhürn. Sihr gefoll´n hett mi de Geschicht von de Weltsen-sation, wur up de Bustell bi den´n "Glatten Aal" ein Smartphon in´ne Latrin funnen worden wier un denn de grote Rätselie los güng. De Uplösung wier denn an´t Enn´ ok ganz einfach. Oewer orrig smüstert hemm´ de Tauhührers. De lütt Riemel „Charakter hett hei" wier typisch för Donald Trump siene Grotmuligkeit. "Niemod´schen Kram" Dor güng dat üm de richtig Tähnpläg. Ick will gor nich all´s uptell´n.
Läst dat man sülben. Wecker sick dat nich vör Urt köfft hett, kann dit Bauk ünner den Titel „Returkutsch" in´n Baukhannel kriegen. Dat lohnt sick würklich. Wolfgang hett orrig Bifall krägen un wi bedanken uns hartlich för den schönen un ünnerhollsamen Nahmeddag.
Wolfgang Mahnkes Bäuker sünd wat ganz Besonneres in de plattdütsche Literatur. Rutgäben warden sei in´n Hinstorff-Verlag.
Dat Bauk „Returkutsch” hett de ISBN 978-3-356-02233-9 un is för 15,00€ tau kriegen.
Väl Hoeg bi´t Läsen.
Text: Eva Dittberner
Fotos: Hartmut Christoph, Holger Ahrens und Eva Dittberner