Vereinsnahmeddag in de Trotzenburg

Forsthausbrauerei Trotzenburg, Tiergartenallee 6 18059 Rostock

Wi snacken Platt

Uns Vereinsnahmeddag an´n Dunnersdag, den 31. Januar wier gaut plant un vörbereit´t.

Ick heff den Klappräkner up Vördermann bröcht, de Videos rutsöcht un up dat Gerät upspält. De dortaugehürigen Kabels heff ick ok inpackt. Sigrid Malewschik hett noch eis Rückspraak mit de Verantwortlichen von uns Lokal "Trotzenburg" holl´n un de Bestätigung krägen, dat alls mit de Video-Oewerdragung in Uurdnung geiht.

Rechttiedig makten Hartmut un ick uns up den Weg, üm alls uptaubugen un uttauprober´n. De ierst Hürde wier, uns Rum wier noch besett´t. De Lüd sünd denn kort vör vier rutgah´n. Nu müßt ierst afrümt un nieg indeckt warden.

Ick stellte nu de Technik up´n Disch prat un ein Kellner von de Trotzenburg hett mi hulpen alls antauschluten. Wat wier dat? Dat Bild wier ja tau seih´n oewer dat geef kein Ton von sick. Alle Bemäuhungen wieren vergäbens. Nichts hett klappt. De Kellner meinte, dat de Elektrikers all de Strippen nieg verleggt un dorbi säker wat falsch anschluten harr´n. Dat hülp nu alls nix, de Vereinsabend müßte nu ahn Videovorführung oewer de Bühn gahn. De Maaten harr´n Verständnis zeigt un mit Riemels un Geschichten den Vereinsabend rett´t.

Dorför hartlichen Dank. Viellicht klappt dat eis ein anner Mal.

                                                                                                                          Juch Eva

Fotos: Hermann Peters un Hartmut Christoph

 

Zurück