WIR LIEBEN COOKIES
Vereinsnahmeddag in de Trotzenburg
Forsthausbrauerei Trotzenburg, Tiergartenallee 6 18059 Rostock
Unse Veranstaltung an´n 29. November wier ganz anners as plant. Wi künnten nich in den Rum, den wi süst ümmer hat harr´n. Wi sünd in ´nen lütten Rum teihn Treppen höger verfracht´t worden. Dat wier sihr eng un wi rückten ümmer dichter tausamen. Unse Videovördräg künnten wi uns afschminken. Aewer wie wi Plattdütschen sünd, makten wi dat Best ut disse Situation. Väle Maaten harr´n sick ein poor Riemels un Geschichten instäkt un na un na vördragen. Dortwüschen makte Klaus Decker ümmer wedder Musik up siene Treckfiedel un all süngen düchtig mit. Dat wier krüzfidel. Man möt weiten, dat in de Trotzenburg all Rüm apen sünd, ahn Dören un manchmal ok mit apen Wänn. Dordörch hett sick de Musik von uns un von de annern Veranstaltungen oewerschnäden un man künnt alls dörcheinanner hüren. Dat Vördrägen von Riemels und Geschichten ward ümmer leeger. Wi hemm´ aewer mit de Musik un unsen Gesang düchtig gägenholl´n.
Schad wier blot, dat ein poor Maaten un Gäst ut Platzgrünn´ gliek wedder weggah´n sünd. Dat wier liekers ein kommodiger Vereinsabend.
Välen Dank an all, de dortau bidragen hemm´.
Fotos: Hermann Peters
