WIR LIEBEN COOKIES
Vereinsnahmeddag in de Trotzenburg
Forsthausbrauerei Trotzenburg, Tiergartenallee 6 18059 Rostock
Wi snacken Platt
An´n 25. 10. harr uns Verein tau ´ne lustig un musikalisch Runn inlad´t.
Uns Vörsitter, de sick ´ne zünftig Gripp in´n Urlauw infungen hett, begrüßte all de Maaten un Gäst. Bevör wi nu tau´n kommodigen Deil oewergah´n sünd, müßten ok noch ein poor Saken klor makt warden. Wi hemm´ all tausamen beschlaten, dat wi bi unse Veranstaltungen nich mihr twischendörch äten. De Ätenbestellungen warden vör dat plante Programm upnahmen un dorna utgäben. Anschlutend heff ick Informationen tau unse Wihnachtsfieer gäben, de je ok fix up uns tau kümmt. Wi warden ditmal nich ahn persönliche Tautahlung utkamen, de ca. 15,00 Euro bedrägen ward. In´n Anschluß hemm´ sick gliek 38 Maaten in de List för de Wihnachtsfieer indragen. Bet tau´n 04. Dezember möten sick all de annern Maaten noch anmell´n. Raupt mi unbedingt up mien´n Klönkasten up de Nr. 0381 / 1207768 an. Denn sünd wi tau´n kommodigen Deil oewergahn.
As Ierstes hett Karin Tanz unsen Muskanten Klaus Decker nahdräglich tau´n Geburtsdag grateliert un hett mit ´nen Blaumenstruß för siene schöne Musik Danke seggt. Dorna hemm´ väle von unse Maaten sick nich lang bäden laten un gewen lustige Begäbenheiten ut ehr Läben tau´n Besten. Dat würden ok Riemels vörläst un dortwüschen hett Klaus ümmer wedder Leeder tau´n Mitsingen spält. Wi hemm´ noch bet na Klock soeben düchdig sungen.
Dat wier mal wedder ein wunnerschöner Vereinsabend.
Text: Sigrid Malewschik, in´t Plattdütscvhe oewerdragen von Eva Dittberner
Fotos: Hermann Peters
