Vereinsnahmeddag in de Trotzenburg

Forsthausbrauerei Trotzenburg, Tiergartenallee 6 18059 Rostock

Wi fieern Fasching mit Musik, Snacks un gaude Lun.

Uns Faschingsfieer in de Trotzenburg keem ümmer neger un de half Verein leeg mit ´ne Verküllung in´t Bedd. Ok uns Muskanten hett dat erwischt un de, de noch up de Bein wieren , harr´n wat anners vör. Denn röp uns Sigrid an un fragte, ob woll Hartmut mit sien Akkordeon inspringen künnt. Ick heff dat nich glöwt, dat dat wat ward, aewer Sigi hett em ut de Reserve lockt. Hei hett gliek tauseggt. Nu wier ierstmal de Abend rett´t. In de Trotzenburg wier all´s sihr schön indeckt un mit edle Servietten schmückt. Sogor Talglichter hemm´ brennt. Aewer de Bedeiligung wier man sihr oewersichtlich. Stimmung wier liekers. Alle bröchten gaude Lun mit. Dat würd Musik makt, sungen un vördragen. Dat geef aewer ok richtig gaude Kostüme. Wi hemm´ dat gaut twei Stunn´ utholl´n, gaut äten un drunken. Wilhelm, Marco un Eva bröchten ein poor lustig Riemels tau´n Hoegen vör. Twischendörch spälte uns  Hartmut immer wedder eins up. Hartmut hett sick nich lang bäden laten. Hei spälte de schönsten Stimmungsleeder tau´n Schunkeln un Mitsingen. Tau´n Afschluß geef dat as ümmer uns Nationalhymne "Wo de Ostsee-wellen trecken an den Strand".

Dat wier ´ne sihr schöne Faschingsfieer!

Nu noch ´n poor Biller von uns Maaten un Gäst, de sick orrig rutputzt harr´n´.

Fotos: Eva Dittberner

Zurück