Vereinsabend

OZ-Medienhaus, Richard-Wagner-Str. 1A 18055 Rostock

Wi hemm´ dat niege Johr  in uns´n Verein mit Glühwien, Musik, Riemels un Geschichten tau´n Hoegen begrüßt. ´N groten Kettel vull Glühwien stünn´ up den Disch. Jedein hett sick na un na ein poor Tassen dorvon inhulpen. De Stimmung wier gaut un de Maaten däuten up. Ümmer wedder geef dat ´n poor vergnäugte Inlagen. All´ hemm sick gaut ünnerholl´n.

De Vörsitter, Jürgen Wittmüß, hett ok all ein poor  wichtige Informationen gäben un Eva hett oewer dat niege Maandenbladd in Farw vertellt. All Vereinsmaten, de mit von de Partie wieren, hemm´ sick dortau utspraken, dat Maandenbladd in Farw tau bestell´n.

Dat passt in de Tiet un makt wat her. Ok de Biller sünd scharp un gaut antauseihn.

De Abend wier sihr kommodig. Dat möt ok mal sien, dat Läben is iernst naug. Hans-Jürgen Schulze makte mit siene Gitarr orrig Musik un bröchte all tau´n Mitsingen.

Thema: "Wi begrüßen dat niege Johr mit Glühwien, Klönsnack un Musik"

Programmgestaltung: De Klönsnacker.

Zurück