Vereinsnahmeddag

OZ-Medienhaus, Richard-Wagner-Str. 1A 18055 Rostock

Unse Gäst von de OSPA wieren Herr Rittgarn un Fru Köster. Sei harr´n uns väl tau vertell´n. Dat güng üm Säkerheit för uns Geld, üm de Reform von de Plägkassen, üm Vörsorgevollmachten un üm Geld-anlagen. De Zinsen för de Sporers sünd so niedrig, wiel de Staat siene Schulden dormit betahlen möt.

Dat geiht an de Banken un Sporkassen nich so glatt vörbi.  Sei möten  väl  Mitarbeiters  entlaten  orrer Minus-Zinsen von de Lüd nähmen. So väle Kredite, de dat wedder utbügeln künnten, warden tau Tiet nich von de Unnernähmer un Husbuger upnahmen. Wenn man hüt Geld anleggen will, möt man sick gaut beraden laten un ok tau sonne Bänkers gahn, tau de man Vertrugen hett. Hütigendags möt man ok ümmer sihr wachsam sien. De Verbräker bugen sick in´t Internet ´ne Homepage na un man denkt, dat is de richtige Bank. De richtig Banken fragen nie nich Paßwürd un PIN af. De dörf man nich priesgäben. Oewer de Enkeltricks is ok väl spraken wor´n. Lat Juch dorup nich in!!!

Väle Vereinsmaaten sünd nich kamen. Dat wier aewer sihr interessant un lihrriek. Na den´n offiziellen Deil keem Klaus Decker un makte Musik un dat würd Glühwien utschenkt. De schmeckte sihr  gaut un in komodiger Runn´ wieren all lustig, hemm´ mitsungen un schunkelt. Dat is ein richtig schöner Vereinsabend wor´n.

Thema: "Finanzanlagen im Alter"

Programmgestaltung: OSPA, Herr Stefan Rittgarn un de Klönsnacker

Zurück