"VEREINfacht helfen - Leinen los"

Mecklenburgischer Yachtclub Rostock, Uferpromenade 5a 18147 Rostock

Dat wier würklich ´ne dulle Veranstaltung. Väle an Kräwt erkrankte Kinner un ehre Familien wieren inlad´t tau ´ne grote Fieer mit Sägelfohrten, Baden, Späle in´n un an´t Warer. Up 15. Schäpe sünd 70 Gäst mitführt. Dat hett all´n väl Spaß makt. Dat geef leckere Saken tau´n Äten un Drinken und de Kinnings hemm´ düchtig taulangt. Sei künnten an dissen Dag all ehre Nöte un Ängste vergäten.
Organisiert wier disse Veranstaltung von´n Mecklenburgischen Yachtclub Rostock in Gehlsdörp, von de Sparda-Bank Berlin gemeinsam mit den´n "Verein zur Förderung krebskranker KinderRostock e.V." . Besonners engagiert hett sick uns Fründ Jan Beu, de de Fadens ümmer in de Hänn´ behollen hett. Von de Sparda-Bank geef dat ´ne Spenn´ von 5.000,00 Euro. Joachim Kleffe un ick wieren ok dorbi un hemm´, dor, wo wi brukt würden, hulpen. Joachim hett vör allem mit siene Gitarr för de Kinner un de Öllern Musik makt. Kiekt Juch dat mal in´t Internet ünner - www.mycr.de - an. Denn uns Verein sammelt ja ok Spenn´ för de kräwtkranken Kinner.

Zurück