WIR LIEBEN COOKIES
65. Toitenwinkler Klönsnack
Alte Schmiede, Hölderlinweg 20 18146 Rostock / Toitenwinkel
65. Toitenwinkler Klönsnack -´ne Leiweserklärung för uns Platt
Wenn Klönsnack is in Toitenwinkel, denn låten sik de Lüd ut de heele Gägend nich lang bäden un kåmen tauhop. So as an’n 19. September tau’n 65. Mål. Hartlichen Glück-wunsch an de beiden Makers Jörg Bitter un Jens Anders tau dat Jubiläum. Jörg harr wedder ein ünnerhollsamet Plattdütsch Programm ut sien Archiv tausamenstellt mit Läuschen un Riemels öwer’n Harwst, de Leiw un dat wohre Läben, von sinnig bet lustig un ok eins bäten frivol. Mit Spaß un Witz hett Jörg locker un lustig up Platt rezitiert un mit sien Publikum snackt. Dat hett de Lüd gefollen. De musikalische Begleitung hett Jens mit siene Quetschkommod öwernåhmen. Bekannte Leeder wür´n up un dal sungen. Tau uns Öwerraschung gäw’t öwer ok Nieget von Burlala as Taugaf.
An´n 05.12.2024 is Wihnachtsklönsnack in Toitenwinkel. Wenn Ji noch nix vörhefft, kiekt doch mal eins in.
Text un Fotos: Gerlinde John
