Stadtrundgang - 798 Jahre Hansestadt Rostock

Petrikirche, Alter Markt 18055 Rostock

Tau´n 10. Mal wier nu de Stadtründgang dörchführt wor´n. Ümmer tau´n Stadtgeburtsdag drapen sick väle Rostocker üm dissen Dag tau fieern. Blot noch 2 Johr, un de 800-Johrfieer is ran. Ditmal wier dat sihr heit. De Sünn meinte dat gaut un ick heff mi ´nen düchtigen Sünnenbrand weghalt. Aewer likers wier dat wedder ´ne gelungene Veranstaltung, de de Stadtführerverein, de Verein för Rostocker Geschichte un uns Plattdütsch-Verein "Klönsnack-Rostocker7" e.V. tausamen up de Bein stellt hemm´. Oewer 7 Stationen güng de Ründgang.

De letzt Station wier de Bühn vör den´n Tretkran in´n Stadthaben. Dor wieren de 7 Böllerschüsse afgäben worden. Uns Präsident, Uwe Süssmilch, wier ok dorbi. Alle 7 utwählte verdeinstvulle Bürger hemm´ ´ne Urkunde krägen. Tau´n Schluß geef dat all ein lüttet Kulturprogramm mit Joachim Kleffe un siene Plattdütschkinner "De lütt Sparlings" un anschlutend sihr schöne plattdütsche Rezitationen dörch unsen Vereinsmaat, Werner Völschow.

Na denn Tschüß bet tau´n nächsten Stadtründgang seggt Juch Eva!

Zurück