Spenn´-Oewergaw´ an de "Kinderkrebshilfe Rostock"

An´n 06. Mai wier dat nu sowiet, wi harr´n  ´nen Termin bi Prof. Dr. Gudrun Eggers von´n „Verein zur Förderung Krebskranker Kinder Rostock e.V.” krägen. Uwe Süssmilch un wiedere Maaten hemm´ för dissen Verein Spenn´ insammelt. 600,00 Euro sünd tausamenkamen. Dat wier doch ´ne orrige Summ. Klock drei wieren wi indrapen un sünd fründlich von de Vörstandsvörsittende Fru Prof. Dr. Eggers un von de Mitarbeiterin Fru Strümper empfangen worden. Begrüßt worden sünd wi aewer tau allerierst von ´ne Pfauenfamilie, de sick vör den Ingang von dat Vereinshus rümmerdrieben ded.

Bi Kaffe un Kauken hemm´ wie uns ´ne Wiel ünnerholl´n. Wi harr´n erfohren, wie dat tau den´n Bu von dat Hus keem, wat dat för Kämpe gäben hett un wecker sick all doran mit Rat, Tat un Geld bedeiligt hemm´. Dat Hus in´n Dr. -Lorenz-Weg 5 is dat Vereinshus un doran is ok de Ünnerbringung för de Öllern, de ehre kranken Kinner besäuken woll´n.

Väle Öllern kam´n von wiet her un könn´n sick för wenig Geld hier upholl´n un  oewernachten. Geschwisterkinner finn´ dor ok all ehren Platz.

Uns Uwe, de an´n meisten dorför sorgt hett, dat Geld in de Spenn´- Box rinkeem, oewergew´ den Bedrag von 600,00 € an Fru Prof. Dr. Eggers, de sick doroewer sihr freute un sick hartlich bi uns bedankte. Dat Geld ward ver-wennd´t för de wiedere Utstattung von dat Hus un för de Gestaltung von de Anlagen. Dat Hus is mit väl Leiw´ inricht´t worden. Dat gifft helle un fründ- liche Rüme mit grote Bäder, deilwies ok behinnertengerecht. De Inrichtung is gaut dörchdacht. ´Ne schöne Koek mit all´s wat man brukt is vörhannen un ein groter Rum för Tausamenkünfte un Fieern. Disser Rum kann oewrigens ok von annere Lüd nutzt warden.

Text: Eva Dittberner

Fotos: Frau Strümper und Eva Dittberner