WIR LIEBEN COOKIES
Reuterehrung an´n 12.07.2024
Reuterpassage, Goerdelerstr. 52 18069 Rostock
Festveranstaltung zum 150. Dodesdag von Fritz Reuter
Dor steiht hei nu, uns Fritzing, na den´n uns Stadtdeil nömt wier.
Wi sünd stolt dorup, hemm´ doch väle Lüüd dorför sorgt, dat dit Anden-ken an Fritz Reuter vör de Reuterpassage in de Goerdelerstraat, Rostock tau seih´n is.
An´n 12. Juli wier nu sien 150. Dodesdag un de Reutershäger makten sick up den Weg, üm an Fritzing tau denken un wierer wat oewer sien Läben tau erfohren.
Klock twölf güng dat los. Kathrin Maaß, de Vörsitterin von´n Ortsbeirat Reutershagen begrüßte dei Gäst. Wi as Plattdütschverein dörften dorbi ok nich fählen. Unse Klönsnacker, Hans-Jürgen Schulze un Jürgen Wittmüß, hemm´ de Lüüd ünnerholl´n mit Musik, sülwstschräbene Leeder un Riemels, passig tau disse Veranstaltung. De Stellverträder von den´n Börgerschaftspräsidenten, Herr Andreas Tesche makte all ein poor oewerleitende Wüürd un denn keem de Stadtarchivar, Dr. Karsten Schröder, tau Wuurd. Siene Utführungen oewer dat Läben un Warken von Reuter wieren sihr interessant un ünnerhollsam. Dat geef iernste Utführungen un wecke tau´n Smüstern. Wi sallten uns würklich noch mihr mit dat Läben un Warken von Fritz Reuter beschäftigen.
De Veranstaltung vergüng fix. Tau´n Afschluß keemen unse Plattsnacker noch eis tau Wuurt mit Musik un Rezitation. De Reutershäger hett dat sihr gefoll´n.
Text: Eva Dittberner
Fotos: Hartmut Christoph, Eva Dittberner
