Plattdütschprogramm mit Werner Völschow

"Kurt-Dunkelmann-Stuw" (Neptuntreff der BG Neptun), Helsinkier Str. 38 18107 Rostock

Spaß un Freu, aewer ok Nahdenklichet up Platt

An´n 16.Oktober wier uns Vereinsmaat Werner Völschow dat ierste Mal Gast in de K-D-Stuw. Hei geef uns ´nen korten Inblick oewer sien Warken an de jeweilig Bühn von de Republik un oewer siene Verbunnenheit mit de plattdütsche Sprak.

Dat wier ein kurzweilig Nahmeddag. In de Läuschen und Riemels, de hei för uns mitbröchte, güng dat  ofteis üm dat leiwe Geld.

So tau´n Bispill bi den´n Striet oewer ´ne Arfschaft orrer wur de Dokterbursch von den Tähnarzt Dr. Metz för siene Uthülpsarbeit mihr Geld innahmen hett as de Doktor sülwst.

Dat hett väl tau Hoegen gäben un wi harr´n nen Hümpel Spaß. Aewer, wat an dissen Nah-meddag ok nich tau kort keem, wier ´ne düchdig Ünnerhollung oewer uns beleiwtet  Platt-dütsch. Dor ünner de Gäst mihrere Schriewerslüd un Rezitatoren wieren, hett jedein wüßt, wie wichtig de Erhollung  un Wierergaw´ von  uns Heimatsprak is.

Mit ´n lütt Dankeschön un mit dat Verspräken up ein Wedderseih´n in de K-D-Stuw´ in´t nächst Johr verafschiedeten wi Werner.

Zurück