WIR LIEBEN COOKIES
Plattdütschet Ünnerhollungsprogramm mit "De Klönsnacker"
Galeriecafé am Lindenpark, Bergstraße 1 18057 Rostock
Dat wier viellicht ´ne Uprägung. Uns Uwe, de de Veranstaltung mit Christine dörchführen wullte, wier krank un läg in´t Bedd. De niege Musikerin, mit de hei Kontakt upnahmen hett, wier up Klavierspälen ut un künn´ nich Akkordeon spälen. Dat wier woll ein Mißverständnis wäst. Denn hett Uwe mit Erika Kleinitz spraken, de denn glücklicherwies för ein poor Rezitationen insprungen is. Nu ümmer noch keine Musik. Christine Stübe is in´t Schweiten kamen. 40 Lüüd harr´n sick anmeld´t un ein gaudet Programm süll ok makt warden. Sei hett Verantwurtung zeigt un all´s versöcht, üm ´nen Musiker tau kriegen. Na´nen Anraup an unsen Vörsitter ward endlich Licht an´n Horizont. Hei hett fix hannelt un Gerard Hennebach halt. Hei wahnt je ok nich wiet weg von de Spälstätt. Nu wier all´s rett´t un de Gäst hemm´ nix von de ganze Uprägung markt. De twei Plattsnacker un Gerard makten ein gaudes Programm un de Bifall sorgte för orrige Stimmung.
Hartlichen Dank för den gauden Insatz!
Text: Eva Dittberner
Fotos: Hermann Peters
