Plattdütscher Nahmeddag mit de Klönsnacker

Bauernhaus Biestow, Am Dorfteich 16 18059 Rostock-Biestow

In´n Biestower Buernhus wier an Sünnabend, den 12. Januar wedder Plattdütsch anseggt. De Saal wier ditmal nich ganz so vull as süsst. Doran wier woll dat kolle un natte Wärer schuld. Dat wier aewer liekers lustig. De Klönsnacker Uwe Süssmilch un Eva Dittberner makten ein zünftig plattdütschet Programm ünner dat Motto: "Von Binnenland un Waterkant - Dit un dat up Platt". Mit von de Partie wier uns Musiker Nico Nenov, de mit plattdütsche Leeder un Seemannsmelodien up sien Keyboard de Plattsnacker begleit`t hett. Dat keem bi de Gäst gaut an. Sei süngen un schunkelten düchtig mit un hemm´ orrig Spaß hat. Ok oewer de Leiw´ würd väl vertellt  un sungen. Dat is doch wat för Old un Jung. So manch ein von de Tauhürers smüsterte vör sick hen. Ein bäten Seemannsgorn wier ok dorbi un väl ut uns Heimat.  Mit unse heimlich Nationalhymne "Wo de Ostseewellen trecken an den Strand" güng de Veran-staltung tau Enn´.

Fru Niekrentz, de Kräugersch von dat Buernhus, hett all Gäst gaut bewirtet un sick mit uns oewer de gelungene Veranstaltung freut.

Fotos: Hermann Peters

Zurück