WIR LIEBEN COOKIES
Plattdütsche Veranstaltung mit de "Folkloregrupp Nuurdwind"
Bauernhaus Biestow, Am Dorfteich 16 18059 Rostock-Biestow
Programm tau Erinnerung an Ilse Frentz
An`n 29. Hornung harr de Folkloregesangsgrupp "Nuurdwind" Klock 3 tau `nen besonneren Nahmeddag in`t "Buernhus" Biestow inlad`t. Tau " Erinnerung an Ilse Frentz" würd` in`n fieerlichen Rahmen ein Programm mit ehre Leeder un Gedichte vördragen. Ehre vertonten Texte hett Ille uns Grupp in ehren Nachlat tau wiederen Pläg un Verbreidung oewergäben. Dat "Buernhus" wier mit rund 70 Gäst bet up den letzten Platz besett. Besünners hett uns freut, dat up uns Inladung hen, de bei-den Söhns von Ilse Frentz mit ehre Familien kamen sünd. Ditmal würden wi nich blot von Gudrun Zülow an`t Akkordeon un Hans -Jürgen Schulze mit Gitarr un Snutenhobel begleit`t, sünnern ok von`n Pianisten Karl Petschmann, de ok noch dortau lüttere Klavierstücke as Soli in uns Programm mit inbugt harr.
De persönlichen Wüürd`, Leeder un Riemels fünnen bi de Tauhürers väl Taustimmung un Bifall. Besonners freut hemmen wi uns, dat wi Illes Familie so anrührt hemmen künnt. Ümmer wedder sünd ehre verschiedenen Texte, Oewerlieferungen, Gedanken un Ideen `ne Oewerraschung för uns.
Uns Chor ward de Leeder von Ilse Frentz in Ihren hollen un ok taukünftig in de Programme mit upnähmen.
Helga Oertel-Schulze
Fotos: Hans-Jürgen Schulze
Text in´t Plattdütsche oewerdragen: Christa Winkelmann
