Plattdütsch in´n Klosterhoff

An´n 05. Juni 2018 wier orrig wat los in´n Klosterhoff von´t Kloster tau´n hilligen Krüz. Dat hett ok Werner Brinckmann in´n Rahmen von de Plattdütsche Kulturwoch organisiert. Dor wier de Plattfoot Klaus, de Shanty-Chor Luv un Lee, de Folkloregrupp Nuurdwind un de Reuters Fritzen. Dat wier an den´n Dag sihr heit un de Stäuhl stünn´ midden up den´n Hoff in de Sünn´. Aewer de Lüd wüßten sick tau helpen, jedein hett sienen Stauhl nahmen un in den Schatten treckt. De Leiter von dat Kulturhistorische Museum, Herr Dr. Steffen Stuth begrüßte tausamen mit Werner Brinckmann de Gäst un Eva Dittberner moderierte bi de Veranstaltung. Tauierst keem Plattfoot Klaus un hett mit sien Gitarr väle schöne plattdütsche Leeder bröcht un dorbi besonners tau den´n Stadtgeburtsdag grateliert. De Shanty-Chor Luv un Lee süng, wie künnt dat anners sien, Leeder von de Seefohrt, de Heimat an de Küst un dat Läben von de Seelüd. De Gäst schunkelten düchtig mit.Denn keem de Folkloregesangsgrupp Nuurdwind mit ehren Uptritt. Schmuck hemm´ sei utseih´n in ehre Tracht. Sei süngen väle schöne Leeder,  besonners von Ilse Frentz. Dor dreihte sick alls üm dat schöne Rostock un üm uns Heimat. Sei sünd bi dat Publikum sihr gaut ankamen.Tau´n Schluß keemen de Reuters Fritzen. De hemm´ orrig updreiht. De Leeder wieren flott un de Jungs vuller Gaudi. Dat wier schad´ dat all ein poor Lüd weggahn sünd. Sei hemm´ sick aewer dorvon nich beindrucken laten un hemm´ ehr schönet Programm  fidel tau Enn´ bröcht.

Dat wier ein schöner Nahmeddag.

Werner Brinckmann un Jürgen Wittmüß bedankten sick ganz hartlich bi all de Vördragenden un de Gäst klatschten orrig Bifall.

Fotos: Hartmut Christoph un Hermann Peters