Plattdütsche Stadtführung

Rathaus, Neuer Markt 1 18055 Rostock

Stadtführung mit Klaus Lass

An´n 6. Juni Klock elben güng de Stadtrundgang mit Klaus Lass los. Hei wüßt väl oewer Rostock un siene Geschicht un hett uns dat in Plattdütsch un ümmer mit´n lütt bäten Humor vertellt. Dat wier man blot ein korter Spaziergang von´t  Rathus bet na de Universität. Klaus hett dat aewer vullpakt mit interessante Geschichten un Informationen. Dat hett sihr väl Spaß makt. Tauierst hett hei uns dat Relief verklort, dat bi´n Ingang vondat Rathus steiht un Rostock üm 1700 wiest. Dor is de Stadtmuer mit ehre Törm un Dure un ok de 4 groten Karken tau seihn. Denn güng dat oewer den niegen Markt mit den´n Möwenbrunnen wierer dörch de Kröpi. Dor geef dat väle schöne Hüser tau seihn, de all ehre Geschicht harr´n. Kort vör de UNI steiht dat Blücherdenkmal. De Bronzefigur steiht up ´nen Sockel un rundüm sünd Bronzereliefs, de geheimnisvulle Geschichten vertell´n, as Blücher mit sien Pierd stört´te un anneres. Hei wier de ierste Ihrenbörger von Rostock. Dat Gebäud von de Universität  is ein Schmuckstück. De UNI wür 1419 grünn´t un fieert nächst Johr ehren 600. Geburtsdag.

Dörch den Rundgang mit Klaus Lass hett man väl lihrt un de Lüd fragten ok ümmer wedder na.

Werner Brinckmann un ok all de Lüd, de mitgahn sünd, hemm´ sick hartlich bi Klaus bedankt.

Fotos: Hermann Peters, Hartmut Christoph

Zurück