Plattdütsche Läsung mit Wilhelm Münchow

"Kurt-Dunkelmann-Stuw" (Neptuntreff der BG Neptun), Helsinkier Str. 38 18107 Rostock

Wilhelm läste ut siene Bäuker

An´n 18.März wier dat wedder mal so wiet. Uns Vereinsmaat Wilhelm Münchow hett lustige un besinnliche Geschichten för de Tauhürers in de Kurt-Dunkelmann-Stuw´ tau´n Besten gäben. Ditmal wier de Runn´ ´n bäten lütter as sünst, aewer dat hett liekers wedder väl Freu makt.

Wilhelm hett uns wat oewer den Lenzmaand vertellt un in ein Riemel fragt: „Wecker büst du?” Hei hett den Osterspaziergang in´t Plattdütsche oewerdragen un wi hemm´ nich schlecht staunt, wie gaut sick dat anhürte.

Ein poor Geschichten ut Ostpreußen dörften as ümmer nich fählen.

De Tiet is bi den´n Klönsnack mit Kaffe un Kauken fix vergahn. Bärbel Wittmüß hett wedder ´nen lecker Kauken backt. All langten düchtig tau.

Tau´n Schluß kräg Wilhelm as Dankeschön noch ´nen lütten Blaumenstruß. Wi freuen uns all up dat nächste Drapen in´n Maand April.

Fotos: Eckhardt Maibauer

Zurück