Plattdütsche Läsung mit Heidelinde Wulff

"Kurt-Dunkelmann-Stuw" (Neptuntreff der BG Neptun), Helsinkier Str. 38 18107 Rostock

Läsung mit Heidelinde Wulff

An´n 15. Oktober halten wi de Läsung mit Heidelore Wulff von´n Maand Mai nah. De Gäst wieren niegelig, wat Heidelore för disse Läsung vörbereit´t hett. All wieren muksmüseken still un luschten de spannenden Geschichten, de sei den´n hölternen Fürst Borwin in Markgrafenheide vertellte.   Ditmal spannte sick de Bagen von Slüter un de Reformation, den Stadtduren von Rostock bet hen tau de Hansesail. Sei harr as ümmer väl tau vertell´n. Sei snackte oewer de ollen Appeloorten un von´t Tüffel- sammeln in de längst vergahn´nen Tieden un von de Jungen-Ollen, de dunnemals mit Sünndagsschört un hüt mit Jeans un T-Shirts rümlopen. Sei vertellte uns ok von ehre Reisen na Taschkent un Samarkand un von ehre Biläwnisse in Athen. Un as harr ick dat wüßt, bröchte ick ehr as Dankeschön för disse Läsung de "Witten Rosen ut Athen" mit.

Ganz hartlich mücht ick mi ok bi Karin un Wilhelm Münchow bedanken, de mi ditmal bi de Vörbereitungen tau de Veranstaltung hulpen hemm´.

 Text: Sigrid Malewschik un in´t Plattdütsche oewersett von Eva Dittberner

Fotos: Holger Ahrens un Eckhardt Maibauer         

Zurück