WIR LIEBEN COOKIES
Plattdütsche Läsung mit Ellen Lange
"Kurt-Dunkelmann-Stuw" (Neptuntreff der BG Neptun), Helsinkier Str. 38 18107 Rostock
As ümmer an´n drüdden Mandag drapen sick de Plattdütschfrünn´ tau ´ne Läsung in de Dunkel-mannstuw´. Ditmal hett Ellen Lange dat Läsen oewernahmen. As Thema hett sei sick Läuschen un Riemels von Wolfgang Sieck utsöcht. Wolfgang wier ja ok eins Vereinsmaat, bet de Krankheit von sien Frau siene ganze Upmarksamkeit brukte. Ellen verklorte vöran, dat sei Wolfgangs Texte giern läst harr un hei nich de grote Anerkennung, de hei verdeihnte, funn’n hett. Denn füng sei mit dat Vörläsen oewer Rostock un Warnemünn´ an. Bi´t Läsen künn ick in Gedanken den Weg nahgahn, so as Wolfgang dat beschräben hett. Dor güng dat von´n „Brunnen der Lebensfreude” wierer oewer´n Uniplatz tau´n Stadthaben bet na Warnemünn´ an´n Strann un tau de välen Schippe an´n Kai un in’n Oewerseehaben. Sogor de lütt Geschicht von’t Kaken un siene Hülp in de Koek wier´n gaut antauhüren. Dat hett mi anrägt, sülben noch eins in siene Bäuker tau schnökern. Ellen hett dat so vull Läben vörläst, dat de Bifall an’t Enn´ un de Blaumen mihr as verdeint wier´n.
Jürgen Wittmüß
Fotos: Eckhardt Maibauer
