Plattdütsch mit de Elmenhorster Landlüüd

"Kurt-Dunkelmann-Stuw" (Neptuntreff der BG Neptun), Helsinkier Str. 38 18107 Rostock

Trüchblick up de Veranstaltung in de K-D-Stuw an´n 17. Sept. 2018

Tau´n  iersten Treff na de Sommerpaus hett sick de olle Besatzung wedder in de Kurt-Dunkelmann-Stuw´ infunn´. Bi herrlichet Sommerwärer verspröken uns de "Elmenhorster Landlüüd"  ´nen ünnerhollsamen Nahmedag un sei hemm´ Wurt holl´n.

Mit "Rostock, mien lütt Vadderstadt" begünn dat Programm un spärer güng de Reis na Italien un an de Loreley vörbi. Sei klärten uns ok oewer "De Leiw in´t Öller" up. Von´t Äten un Drinken un ok von Krankheiten wier de Räd. Wi hemm´ orrig tausa-men sungen " Eine Seefohrt, de is lustig" mit niegen Text  un  as  Klaus   an´n   Enn´ dat Leed "Auf Wiedersehen" spälte, winkten all mit ehre Servietten. Ein Dankeschön un Blaumen för de Elmenhorster Landlüüd un ´nen Wedderseihn an´n 15. Oktober mit all de Gäst is all verspraken.

Text un Fotos: Sigrid Malewschik

Zurück