WIR LIEBEN COOKIES
OSPA sett sick för Plattdütsch in
OstseeSparkasse Rostock, Am Vögenteich 23 18057 Rostock
Plattdütsch för de Lütten
An‘n 03. März hett die Ospa ´nen Upraup an Sport- un annere Vereine schickt, soziale Projekte för un mit Kinner un Jugendliche mit ein Video vörtaustell’n un dorför einen Förderandrag intaureiken. Dorup hen hemm´ wi in´n Vörstand furtsens an uns Plattdütsch mit Kinner dacht un Jens, uns Vörsitter, harr ok all ´ne Idee.
Hei organisierte einen Kameramann, sprök mit Christine Stübe un Hans Werner Buchholz, ob sei nich ´nen lütten Sketch maken wull´n oewer Kinner, de giern Platt-dütsch lihr´n müchten. Sei hemm´ sick nich lang bidden laten un seggten tau.
So is nu ein Video entstah´n tau´t Thema: „Plattdütsch för de Lütten“
Dat hemm´ wi denn ok inreikt un ´nen utfüllten Födderandrag mitschickt.
An´n Dag von uns Wahlversammlung bekeem’n wi de Informatschion, dat uns Andrag bewilligt würd un wi einen Födderbedrag von 1000 € erhollen.
An‘n Sünndag, den´n 26. Juni wier dat denn sowiet, dat wi in’n Rahmen von ´ne Festveranstaltung in de Filiale von de OSPA an’n Vögenteichplatz fieerlich unsen Scheck in Form von ein grotet Bild oewerreikt bekeem’n. De Inladung dorför hemm´ denn Siggi, Jens un ick wohrnahmen un dorbi noch ein wunnerboret Konzert för Kinner „Peter und der Wolf“, biläwt.
An disse Stell müchten wi uns ganz hartlich bi de OSPA bedanken.
Text: Jürgen Wittmüß
Fotos: Jürgen Wittmüß und Sigrid Malewschik
