Oewergaw von Spenngelder för kräwtkranke Kinner

Universitätsklinikum Rostock, Kinderkrebsstation, Schillingallee 35 18057 Rostock

An´n 6. Dezember 2016, Klock drei wier de Wihnachtsfieer von de Kinnerkräwtstation in de Uni-Kinnerklinik Rostock. Dat wier ´ne schöne Veranstaltung. Dat geef Kaffe un Kauken un ein Töwerer hett mit siene Zauberie de Kinner tau´n Lachen bröcht. Dorna hemm´ Uwe Süssmilch un Ulrich Köster de Spenngelder, de von Vereinsmaaten insammelt worden sünd an Prof. Dr. med. Carl Friedrich Classen oewergäben.

800,00 € sünd dat wäst. Väle Vereinsmaaten, Sponsoren un Frünn´ hemm´ dortau bidragen. Besonner´n Dank gellt uns Ihrenmaat Harry Lübbe un Vereinsmaatin Lisa Dieckmann, de ´nen groten Deil dortau gäben hemm´. Mit hartliche Würd hett Prof. Dr. Classen Danke seggt. De Kinner luerten all up den Wihnachtsmann un wieren all upgerägt. As hei denn endlich keem, wier de Freud grot.

Foto: Detlef Nickel, BV Güstrow e.V.

Zurück