Läsung mit Gisela Schwarz un Gisela Reink

"Kurt-Dunkelmann-Stuw" (Neptuntreff der BG Neptun), Helsinkier Str. 38 18107 Rostock

Eine interessante Läsung mit Gisela und Gisela

Mandag, 19.03.2018, Klock drei Kurt-Dunkelmann-Stuw´ und de Reis geiht los. Dorbi sünd de Frünn´ von de plattdütsche Sprak un as Gäst  Gisela Reinck und Gisela Schwarz.

Gisela Reinck vertellte uns ehre Reisebeläwnisse von de letzten Johren. Sei füng dormit an, as sei  in´n Klützer Winkel wier, bi Snei un Frost un wat bi  ´nen Sturz in ´ne grote Pütz hülpriek wier. Denn güng dat tau´n  Möller na Dabel, de mit siene Sechwürt, wie: "Fröher harr´n wi Geld un keine Woren un hüt hebben wi Woren un kein Geld." uptrumpte.

In Alt Schwerin güng dat in de Dörpschaul, wo dormals de Klassen 1- 8 in ein´n Rum ünnerricht´t würden. Sei vertellte von ´ne Reis mit de Bimmelbahn dörch de Grote Wisch. In Lauenburg wullt sei in´ner Bäckerie Peppernoet köpen. De Verköpersch hett dorup bestah´n, dat dat "Gebäck" heiten deit. Up ehre Reis in den "Schwarzwald" stünn´ de Frag in´n Rum - wat is de Ünnerscheid twüschen Titisee un Titicacasee? Nömen wi dat kort Titipütt. Dorna bericht´t Gisela oewer de gauden Verbinnungen tau de Rentner von Skandinavien. Tau´n Afschluß von ehre Läsung drög sei ein Riemel vör, wat sei för Gisela Schwarz schräben harr.

Gisela Schwarz hett uns ´nen Inblick in dat Läben mit ehre Urenkels gäben.

Sei vertellte tau´n Bispill oewer ´nen Besäuk bi´n Tähndokter un oewer dat wiertvulle Geschenk von ein Hand-werker an ehren Enkel. Dat wier ein lütt Zollstock, mit den´n anschlutend de ganz Wahnung vermäten ward. Tau´n Schluß hett sei noch leiwe Würd oewer de lütt Stadt an´n Bodden - Ribnitz-Damgarten - vördragen. Na ein Stunn´ wier de kortwielig Reis bi Kaffe un Kauken tau Enn´.

Välen Dank an Juch beid Giselas!

Fotos: Holger Ahrens und Eckhardt Maibauer

 

 

Zurück