Läsung in de Kurt Dunkelmann Stuw´

"Kurt-Dunkelmann-Stuw" (Neptuntreff der BG Neptun), Helsinkier Str. 38 18107 Rostock

Läsung mit Ellen Lange

De Start in´t niege Johr hett ok in de Kurt-Dunkelmann-Stuw´ klappt. Sei wieren wedder all dor, de Frünn´ von de plattdütsche Sprak.

Ditmal hett Ellen Lange uns mit väle lustige Läuschen tau´n Hoegen bröcht. Sei is in´n Januor 2018 in unsen Plattdütsch-Verein Mitglied worden.

Ick glöw, so manch einer hett sick in ehre vördragenen Geschichten wedderfunn´n. So, as tau´n Bispill: de drei Frünn´ ehren Bisäuk in´n "Goldenen Anker" oewer mihrere Johrteihnte biläwten orrer de Geschicht oewer de Kröpeliner Vörstadt un den´n "Stralsunder".

Väl tau fix wier de Stunn´ rüm un wi künnten uns blot ganz leiw´ bi Ellen bedanken. Ditmal harr ick ok ´nen Blaumenstruß för Karin Möller dorbi, denn sei is mi ümmer ´ne gaude Hülp bi de Vörbereitungen in de Stuw´.

Wi freuen uns up den Februor, denn wie wull´n Fasching fieern un dat gifft Glühwien.

Fotos: Eckhardt Neubauer

Plattdütsche Läsung mit Ellen Lange

 

Zurück