Koordenabend mit Wihnachtsäten

22 Koordenspälerinnen un Koordenspälers hemm´ ditmal besonners väl Spaß bi dat  Koordenkloppen hat. Dat wier de letzt´ Skatrunn´ in´t Johr 2018. As ümmer in´n Christmaand geef dat ein zünftig Wihnachtsäten. Dat hett ditmal so gaut smeckt, dat all satt un taufräden wieren. Dat geef Antenkülen mit Rotkrut un Tüffelklüt. De Gewinner sahnten ok orrig Fleesch un Wust af. Ditmal hett sick dat Blatt wannelt. Bernd Andres un Jürgen Wittmüß hemm´ de iersten beiden Plätze beleggt. Dortau grateliern wi hartlich. De 3. Platz is ok nich tau verachten, den Peter Hagedorn erreikt hett. Ok hiertau unsen hartlichen Glückwunsch.

In´n Sneimaand geiht dat wedder los un dor ward denn de Johresutwiertung makt. Dat künnt orrig interessant warden.

Gewinner bi´n Skat mit 17 Spälers         

1- Bernd Andres mit  2.453  Punkten

2- Jürgen Wittmüß mit 1.919  Punkten

3- Peter Hagedorn mit 1.700  Punkten

Rommé spälten 5 Spälerinnen

1- Anke Becker

2- Margrit Krabbe

3- Helga Lange

Ok uns Rommé-Spälerinnen hemm´ ´nen Glückwunsch verdeint. Ditmal wier Anke Becker an de ierste Stell. Väl Glück un Hoeg wiererhen bi de Koordenspälerie.

Välen Dank ok an Jutta Albertzki un Bernd Andres, de sick ditmal ganz besonners Mäuh gäben hemm´ bi de Vörbereitung un Dörchführung von de Skatwihnachtsfieer. Ein hartlicher Dank  gehürt ok de Kräugersch Fru Kerstin Rüdiger mit ehre Mitarbeiters.

Allet Gaude för dat niege Johr !

Text: Eva Dittberner

Fotos: Bernd-Peter Voss