Klönsnackrunn´mit Musik

OZ-Medienhaus, Richard-Wagner-Str. 1A 18055 Rostock

Dat wier ein schöner Vereinsabend

So vull wier`t woll all lang nich mihr tau`n einfachen Vereinsabend wäst. Wat heit hier „einfachen“. Je, wenn Ji dat so hemmen wullt?  Also , up`n Programm stünn blot „ Programmgestaltung: De Klönsnacker“. Un dat sünd wi je woll ok sülben.

So güng dat mit `ne fröhliche Begrüßung dörch unsen Vörsitter all vigeliensch los. Denn spälte Hans- Jürgen Schulze orrig einen up un süng sogor sien nieges Leed vör.

Uns Präsident un uns Vörsitter wesselten sick mit uns Vereinsmaatin Karin Möller ganz flietig mit lustige Riemels, Läuschen un Geschichten af. Sogor Marco käm so richtig in Fohrt mit siene Bidräg.

Eine besonnere Oewerraschung geef dat noch dörch uns leiwe Bedeinung -Liesa -, denn sei süng ehr leiwstes Leed „ Dat du mien Leevsten büst“ vör. Wi harren bannig väl Hoeg. Vör allem, as denn tauletzt ok Klaus Decker käm un uns mächtig up Draff bröchte. Singen, Schunkeln, Klatschen un sogor Fläuten hett uns richtig fidel makt.

Sühst mi woll - geiht doch ganz allein!!!

                                                                                              Christa Winkelmann

Fotos: Hermann Peters

Zurück