WIR LIEBEN COOKIES
Klönsnackrunn" mit Christine un Jürgen
EIZ Rostock, Haus Europa, Mühlenstraße 9 18055 Rostock
Hier rokt ok manchmal de Kopp un de Tung verdreiht sick, aewer liekers makt dat Spaß
In´n EIZ Rostock (Haus Europa) hett in´t „Sprachcafé” wedder de Klönsnackrunn´ mit Christine Stübe stattfunn´n.
Ick wier dat ierste Mal dorbi un wier baff, mit wurväl Leiw un Lust de Frugens un Kierls an de plattdütsche Sprak rangahn. All hemm´ sick wat tau´n Vörläsen mitbröcht un ok wat vertellt oewer ehr Daun in ehre Frietiet un von´n Urlauw. Christine hett de ganze Tiet oewer de Sak orrig dirigiert un ümmer wedder nahfragt. Sei hett ok hulpen, wenn dat Plattdütsche nich so orrig oewer de Lippen keem. Hartmut Christoph makte ditmal mit sien Akkordeon ein bäten Musik tau´n Mitsingen un Schunkeln. De Stunn´ güng fix vörbi un de Plattdütschfrünn´ verafräd´ten sick wedder för de nächste Tausamenkunft an´n 16. Oktober, Klock drei.
Välen Dank Christine, dat Du de Pläg von uns schöne plattdütsche Sprak so ünnerstützt un dorbi de interessierten Frünn´ so väl Freu makst. Dank ok för den sülwstbackten Kauken, de sihr gaut schmeckt hett.
Eva Dittberner
Text un Fotos: Eva Dittberner
Dor ward Platt snackt
