WIR LIEBEN COOKIES
Klönsnackrunn mit Christine Stübe
EIZ Rostock, Haus Europa, Mühlenstraße 9 18055 Rostock
Lenzmaandtreff in´t EIZ an´n 27.03.2024
An´n Middwoch, 27.03. wier Klock drei wedder „EIZ“ anseggt. Ick wier ewig un drei Dag nich mihr eins dorbi wäst un bannig baff oewer de grot Resonanz tau dat Drapen bi uns Christine. Mihr as twintig Lüüd möten nu Platz finnen un freuten sick up Kaffe, Kauken un den Kloen-snack in disse kommodig Runn. Von Harten wurden Läuschen, Riemels un Vertellers oewer de Geschicht von de Ollstadt vördragen un ick harr miene Freu an disse locker un upkratzt Stimmung. Ein lütt Kloetenkoem keem dorbi gaut taupaß un ick harr twei-drei Leeder oewern Osterhas un de Häuhner, de in disse Tieden bannig väl Arbeit hemm´, mitbröcht. Uns niege Vereinsmaat Hermann Gall hett sick dat ok nich nähmen laten, mit de Gitarr wat tau´n Vördrag tau bringen un de kortwielig Stunn´ wier fixing rümmer. Ick mein, dat disse Nahmeddag ok för Christine ein besünneret Kapitel in de „Chronik“ von ehre Veranstaltungen wäst is.
För den Maand Mai is denn wedder ein musikalisch Umloop tau de Historie von uns Rostock- Ollstadt plant.
Text un Foto von Hans-Jürgen Schulze
Wi vertell´n uns eigene Beläwnisse up platt.
Kaffe un Kauken is ok dorbi.
