Klönsnackrunn´ in´n EIZ-Sprachcafé

EIZ Rostock, Haus Europa, Mühlenstraße 9 18055 Rostock

In´n EIZ "Sprachcafé" ward platt snackt

An'n 17. Februor wier werrer Treff in't Sprachencafe von't EIZ. Ok ditmal wier'n werrer oewer 20 Lüd tau´n lütt Snack in ´ne Klönstuw. Inricht´t wier disse Veranstaltung ja dorför, dat sick Lüd, dei giern plattdütsch snacken orrer dei Plattdütsche Sprak äuben müchten, sick dor drapen. Dorbi geiht dat ok dorüm, ein poor niege Würd un bäten wat oewer Sprakrägeln tau lihr´n. As Gast harr ick ditmal uns Christa Winkelmann an miene Siet. Sei, as Lektorin för uns Maandenbladd, kennt sick dor an ´n besten ut. Lustig wier dat, as Christa, as in´ne Schaul, dei plattdütschen Würd konjugierte un all müßten dat werrerhal´n. Freut heff ick mi denn oewer doch, dat ok all richtig mitmakt hebben. Dat geef denn ok ´ne Upgaw för tauhus mit up den Weg un all versicherten, bi´t nächste Mal werrer dorbi tau sien. Dormit sünd wi up den richtigen Weg, uns Plattdütsche Sprak tau hägen un tau plägen. Ein grotet Dankeschön geiht oewer ok an dei Mitarbeiter von't Europäische Hus, dei uns dei Möglichkeit schafft hebben, disse Veranstaltung in't Läben tau raupen. Ick bün oewertücht, dat disse Klönsnackrunn, jeden drütten Middwoch in'n Maand sick wiererhen groter Beleiwtheit erfreugt.

Jürgen Wittmüß

Seniorenresidenz "Am Warnowschlösschen"

Dat Sprachencafe im EIZ hett bi dei Bewahner von de SR "Am Warnow-schlösschen" Interess weckt för dei plattdütsche Sprak. Dei Ergotherapie-leiterin Fru Bülow fragte bi mi an, ob denn sowat Ähnlichet möglich wier in ehre SR. Dor wiern väle Interessenten, aewer all in'n Rullstauhl un dei künn´ nich bet taun EIZ henführ´n. Ick heff denn ierst mal tauseggt un wull eins seihn, wat dat för Lüüd sünd. Ick wier bannig oewerrascht, woväl doran deilnahmen un sick gaud plattdütsch ünnerholln künn´. So hebben wi denn afspraken, jeden letzt Mandag in'n Maand ´ne Seniorenrund up Plattdütsch tau maken. Klaus Decker hett sich bereit erklärt, ´n bäten Musik för't Mitsingen tau maken.

Jürgen Wittmüß

Zurück