WIR LIEBEN COOKIES
Klönsnack in´n Buernhus Biestow mit Wolfgang Kniep un Anke Gohsmann
Bauernhaus Biestow, Am Dorfteich 16 18059 Rostock-Biestow
Ünner dat Motto: „Mötst di nich ärgern‟ makten Wolfgang Kniep un Anke Gohsmann an´n 28.09.2024 ein wunnerboret Tarnow-Programm in´t Buernhus Biestow. Tauierst hemm´ wi wat oewer dat Läben von Rudolf Tarnow erfohren. Denn güng dat Schlag up Schlag mit Riemels tau´n Smüstern un Hoegen. Dor kemen: “De Schauster un de Schnieder”, ”Dat Prahlen” mit dat gröttste Schwien ut Kuchelmiss.
Anke süng dat Leed “Sei hemm´ ´nen gauden Mann”. Bekannt is ok “Köster Klickermanns scheef Globus. Ok dat Ätenproben wier von Wolfgang so originell vördragen, dat man dacht hett, man wier dorbi. Anke süng mit ehr schöne Stimm´ dat Leed von de Bodderblaum - sihr besinnlich un infäuhlsam.Tau kort kamen sünd ok nich de Riemels “De rod´ Domino”, “De Reichsdagswahlräd” - “Ümmer ick” sungen von Wolfgang för de Kierls.
Ganz wat Besonneret wier dat Leed von de olle Katt in plattdütsch na de Melodie “Erinnerung”. Schön wier dat, Anke tautauhüren. Köstlich wier ok de Geschicht von de Hosen. Dorbi güng dat üm ein Billet mit de Bahn von Crivitz na Lohsen. Dormals wür de Pries för de jungen Mitfohrers bet 14 Johr na de korten Hosen beräknet. Later hemm´ sei lange Büxen drägen müst. Dorüm güng de Strieterie. Dat Publikum wier so begeistert, dat all Taugawen foddert wür´n. Tarnow wier ein geistrieker un wietsichtiger Minsch un siene Geschichten un Riemels sünd von Wolfgang un Anke tau´n Läben erweckt wor´n.
De Tauhürers makten orrig mit un dat geef väl Bifall un ok Blaumen.
Hartlichen Dank an Anke un Wolfgang
