"Klönsnack bi Maibowle"

Café Käthe, Barnstorfer Weg 10 18057 Rostock

Wi hemm´ twors ok Maibowle drunken, aewer wi hemm´ passig tau´n Wonnemaand Mai  ein Programm mit Riemels un Leeder von Martha Müller-Grählert tausamenstellt un upführt. Martha Müller- Grählert hett ok den Text för dat schöne Heimatleed "Wo de Ostseewellen trecken an den Strand" schräben. Mit von de Partie wieren Hans-Jürgen Schulze, Jürgen Wittmüß un Eva Dittberner.

Jürgen hett ´ne sihr schöne Utwahl von de Texte drapen. Hei un Eva hemm´ rezitiert un Hans-Jürgen hett wunnerbore Musik dortau makt.
Hei hett 4 Instrumente bi sick hatt. Twei Gitarren, ´nen Snutenhobel un ´ne Treckfiedel. Sungen hett hei, dat wier dromhaftig. Na de Veranstaltung sünd de Lüd up uns taukamen un hemm´ sick för den schönen Nahmeddag bedankt.
Uns hett dat ok väl Spaß makt.

Café Käthe is ein lüttet aewer fienet Lokal in´n Barnstorfer Weg 10 in Rostock.
Dor kann man Spiesen, Kaffe drinken un gauden Kauken äten, Feste fieern un väle Veranstaltungen bisäuken.
In´n Café Käthe gifft dat Kultur pur. Weckerein schon mal dor wier, de kümmt ümmer wedder, blot anmell´n möt man sick, sünst kann dat passieren, dat all´s besett´t is.
Uns Verein hett jeden letzten Sünndag in´n Maand de Mög-lichkeit erholl´n, dor ´n Pro-gramm tau maken. Platt-dütschfrünn´ gifft dat in dissen Stadtdeil naug. Wi freuden uns all up dat nächste Mal.

Programmgestaltung: De Klönsnacker

Zurück