Johresmitgliederversammlung

OZ-Medienhaus, Richard-Wagner-Str. 1A 18055 Rostock

An´n Dunnersdag, den 26.Mai hemm´ sick tahlrieke Vereinsmaaten tau de Johresver-sammlung tausamenfunn´. Dor güng dat üm de Räkenschaftslägung för dat verläden Johr. De Vörsitter, Jürgen Wittmüß, hett den Rechenschaftsbericht vörläst un Ulli Köster, uns Schatzmeister, den Finanzbericht. Väle Tahlen hemm´ wi uns anhüren müßt, aewer de Vereinskass stimmte un wier orrig führt wor´n. Dat hett ok de Revisionskommischon dörch Gerda Strehlow bestätigt. Na de Diskussion un de Entlastung von den´n Vörstand geef dat wat tau Äten un tau Drinken. Jörg Bitter läste Texte von Martha-Müller Grählert vör un Joachim Kleffe spälte noch´n por Leeder up siene Gitarr´.Tau´n Schluß wür uns heimlich "Nationalhymne" sungen. Dat is dat Leed "Wo de Ostseewellen trecken an den Strand" un de Text wier ok von Martha Müller-Grählert, de dit Johr 140 Johr olt worden wier.
So hemm´ wi noch ´n kommodigen Abend tausamen verbröcht.

Zurück