WIR LIEBEN COOKIES
50. Toitenwinkler Klönsnack
Stadtteilbüro Toitenwinkel, Hölderlinweg 20 18146 Rostock
Ick harr nie nich dacht, dat ´ne leech Stratenbahnanbinnung so väl utmakt.
De Linie 1 wier in de Harwstferien nich bet Toitenwinkel führt. Dordörch künnten väle Stammgäst trotz schönet Wärer nich tau´n Toitenwinkler Klönsnack kamen. Liekers wieren twintig Lüd dor, de ´nen gaut upleggten Jörg Bitter, de von mi musikalisch begleit´t wür´ biläben künnten. Jörg hett sick würklich grote Mäuh gäben un plattdütsche Texte oewer den Harwst un dat Läben von de Minschen in uns Lann´ rutsöcht un sihr lebennig vördragen.
Ick heff dat gaut funn´n, dat Jörg tau´n An-denken an Wolfgang Sieck ein poor schöne Riemels un Geschichten vördragen hett. Tau´n Insatz keemen ok de gräunen Leeder-hefte von´n Plattdütsch-Verein, de de Vörstand un Eva mi tau Verfügung stellten. Sei würden flietig nutzt un dat Mitsingen makte de Gäst orrig Spaß. Dorför noch eis hartlichen Dank. `Ne lustige Inlag stüerten ok Mitglieder von de Plattdütsch-Grupp´ von´n SBZ Toitenwinkel bi, de tausamen ´nen sihr schönen Text vördragen hemm´.
Tau´n Schluß geef dat all niege Informationen tau´n Stadtdeilläben dörch den Stadt-deilmanager. Mit gaude Lun verafschied´ten sick all tausamen mit de „Ostseewellen”b von´n 50. Jubiläumsklönsnack. Bi de Wihnachtsutgaw an´n 12.12. Klock drei führt de Stratenbahn je wedder un denn is de „Alte Schmiede” in´n Hölderlinweg wedder rappelfull.
Jens Anders
Text: Jens Anders
Plattdütsch: Eva Dittberner
Fotos: Hermann Peters
Wi fieern den 50. Toitenwinkler Klönsnack
