10 Johre Hörakustik Wockenfuß un "Großer Preis des Mittelstandes"

Hörakustik Wockenfuß Roggentin, Globusring 1 18184 Roggentin / Rostock

„10 Johre Hürakustik Wockenfuß” un "Großer Preis des Mittelstandes"

Uns Vereinsmaat Tobias Wockenfuß hett mit siene Fru Ramona vör 10 Johren sien ierstet Geschäft in Rostock upmakt. Hüt sünd dat 3 Filialen - in Rostock, Roggentin un in Bad Doberan. Mit moderne Produkte, gauden Service un fachlichet Können hett hei un sien Fru för de Kunnen, de Probleme mit dat Hüren hemm´,  ´nen gauden Bidrag för mihr Läbensqualität schafft. Hei un siene Mitarbeiters entwickelten ok ein nieget Verfohren för de Hürgeräteanpassung. För disse gaude Arbeit hett dat Ünnernähmen dit Johr den "Großen Preis des Mittelstandes" krägen.

An´n Dunnersdag, den´n 12. Oktober, hett Tobias un sien Team all Kunn´, Frünn´ un Partner tau ´ne Jubiläumsfieer in de Filiale in´n Globus-Markt Roggentin inlad´t. Dor wier allet gaut för den Empfang von de Gäst herricht´t. Dat geef väle Gratulanten mit Blaumen un Geschenke. De Gäst sünd mit Kauken, Kaffe un Sekt verwöhnt wor´n.

Wi hemm´ ok grateliert. Uwe Süssmilch, Hans-Jürgen Schulze un Eva Dittberner makten ein lütt plattdütschet Programm, dat gaut ankeem. Den Dag oewer hett uns Fründ Nico mit Keyboardmusik un Gesang de Gäst erfreut.

Dat wier ´ne schöne Veranstaltung. Dat Team Wockenfuß hett sick sihr leiwvull üm de Gäst kümmert. Wi sünd stolt dorup, dat Tobias bi uns Vereinsmaat is.

Fotos: Hermann Peters

Zurück