Historische Stratenbahnfohrt

depot12, An der Jägerbäk 4b 18069 Rostock

Nostalgischet Rumpeln up de Gleis von de Rostocker Stratenbahn un Holzbank-gefäuhl an´n Achtersteven.
Dat künn man biläwen bi ´ne Fohrt mit den´n Traditions-
Triebwagen 26 von de RSAG.
De Klönsnacker sünd denn dorbi. Sei verkloren de Stationsbiller in ´ne Stadt up Platt, maken Musik un vertell´n ok mal wat tau´n Hoegen. Mit von de Partie wieren Jürgen Wittmüß, Thomas C. v. Widdern un uns Treckfiedelspäler, Klaus Decker.

 

Ditmal stünn´ Roland Beisler an de Kurbel in´n apen Fohrerstann´ von de Bahn, de 1926 in de Waggonfabrik Wismer bugt wür. Tau siene Siet stünn as "Schaffnerin" Angela Tredup.
In Vörbereitung von den 800. Stadtgeburtsdag 2018 sall´n disse Fohrten wierer anbaden warden, seggte uns Vörsitter, Jürgen Wittmüß.
Unse Klönsnackers bröchten Stimmung ünner de Fohrgäst. "So ´ne fröhlich Runn´ heff ick lang nich hat. Sei hemm´ väl lacht un düchdig mitsungen", meinte ok de Stratenbahnfohrer Roland Beisler. Unse Klönsnacker hemm´ sick oewer dissen Tauspruch sihr freut, ok wenn dat för den Treckfiedelspäler ´ne swore Arbeit is bi dat Gerumpel tau spälen. "Aewer liekers hett dat Spaß makt", seggt Klaus Decker.

Eva Dittberner ut den Artikel OZ v. 25.05.2016 mit fründlicher Genehmigung von Jürgen Falkenberg

Uns Vörsitter wullt dat Stratenbahnfohren ok mal eis utprauben.
Hei meint, dat fäuhlt sick gaut an.
Aewer von de Stell keem hei dormit nich.

Zurück