Grillnachmittag von unserem Plattdeutsch-Verein

Botanischer Garten, Hamburger Str. 28 18069 Rostock

Wi hemm´ uns lang up den Grillnahmeddag in´n Botanischen Gorden von de Universität Rostock freut. Dat is ümmer ein Höhepunkt vör de Sommerpaus. Ein bäten bang wier uns wägen dat Wärer. Dat güng ümmer hen un her. Mal schiente de Sünn un mal düd´te sick ein Rägenschuer an. Dat wier ja schad, wenn uns Grillen in´t Warer foll´n wier. Aewer de Frünn´ von´n Bot. Gorden hemm´ spurt un uns dat grote Plantenhus tau Verfügung stellt. Dat wier twors binnen as in ´ne Sauna, aewer wi seeten drög, denn de Rägenschuer käm liekers. Dat wier ´ne gaude Veranstaltung.
Uns Gerhard Goldammer hett de Wust un dat Fleesch all´ns allein grillt un dat hett hei gaut makt.
Joachim Kleffe wier mit siene Plattdütschkinner mit ´nen lütt Programm dorbi. Dat wier ´ne fiene Saak. Wi harr´n ja ok uns Sponsoren inlad´t, dor hemm´ wi zeigt, wur de Sponsorengelder ok Verwennung funn´n harr´n. Na dat Äten sünd de Klönsnacker upträd´t, Mit dorbi wieren Jürgen Wittmüß, Hans-Jürgen Schulze, Joachim Kleffe un Eva Dittberner. As Gast hett sick Gertrud Weigel dortau stellt un ok noch wat tau´n Besten gäben.
Wi müchten uns bi all´ de Vereinsmaaten un Frünn´ von den Botanischen Gorden bedanken, de tau dissen schönen Nahmeddag bidragen hemm´. Besonners bi Werner Brinckmann, de wedder all´s so schön organisiert hett un bi unsen Grillmeister.
Bi Prof. Dr. Stefan Porembski un Dr. Götze bedanken wi uns hartlich, dat wi wedder unse Fieer in´n Bot. Gorden dörchführ´n dörften.
In unse Sammelbox för de Kinner von Tschernobyl un de Kinnerkräwtstation sünd an dissen Nahmeddag 113,35 Euro tausamenkamen. Välen Dank an de Spenner.

Zurück