WIR LIEBEN COOKIES
Fasching in de Trotzenburg
Forsthausbrauerei Trotzenburg, Tiergartenallee 6 18059 Rostock
Wi fieern Fasching
So as jedet Johr in´n Hornung fieerten wi Fasching. Wi dachten nich, dat so väle Maaten dorbi sien wullten. Dat hett uns orrig freut. De Maaten hemm´ sick lustig Kledasch antreckt orrer ´nen schicken Haut upsett´t. Nico Nenov, uns nieges Vereinsmitglied un Musiker, hett sick gaut up sien Keyboard vörbereit´t un Musik tau´n Schunkeln, Mitsingen un Danzen makt. Uns Vörsitter, Jürgen Wittmüß, begrüßte alle Maaten un Gäst un stimmte mit Sigrid all mit ´n lustig Spruch up den Abend in. Nico makte schöne Danzmusik un de Maaten wieren nich mihr tau holl´n. Dat würd danzt un lacht. Dortwüschen geef dat Uptritte von unse Klönsnacker. All hemm´ sick orrig hoegt, ok oewer de Witze, de von uns Maaten vertellt worden sünd. Bi de lustig Kledasch wieren dulle Saaken dorbi. Dat kiekt Juch mal up de Biller an. De Ein wier schöner as de Annere. Ok Marco hett sick mit ´ne wuschlig Perrück rutputzt. All hemm´ sick Gedanken makt un tau ´nen schönen Faschingsabend bidragen.
De Kellner dischten Äten un Drinken up. De müßten ümmer wedder lut raupen, wecker sick Dit orrer Dat bestellt harr. De Geräuschpägel wier orrig hoch.
Fotos: Hermann Peters, Eva Dittberner und Hartmut Christoph
