WIR LIEBEN COOKIES
Familienfest bei der Kinderkrebshilfe
Verein zur Förderung Krebskranker Kinder, Dr.-Lorenz-Weg 5 18059 Rostock
Familiendag un Sommerfest
An´n 6. Mai, bi de Spennoewergaw von unsen Verein, bekämen wi de Inladung tau dat Sommer-fest bi den´n „Verein zur Förderung krebskranker Kinder Rostock e.V.”
Akkerat Klock drei an´n 14. Juni wieren Karin Möller, Hans-Jürgen Schulze un ick in´n „Eltern-Kind-Haus" in´n Dr. Lorenzweg 5.
Trotz grote Hitz wieren väle Sponsoren, Förderer, Frünn, Öllern un de Kinnings dor. Dat ganze Rebeit wier mit Luftballons un Fähnchen schmückt. De Kinner hemm´ an dissen Dag ehre Krankheit vergäten. Sei spälten, kladderten un tollten rüm. Väle Öllern sünd von Uterhalw kamen un künnten dat "Eltern-Kind-Haus" nütten. Uns Vereinsmaat H.-J. Schulze verstünn´ dat sihr gaut, mit sien Gitarr un Leeder de Kinner tau begeistern. Hei harr ok Rasseln un annere Krachmaker mit, wat de Kinner sihr väl Spaß makte. Dorna keem noch zünftig Blasmusik. För de Kinner geef dat Ies, Bonbons, wat von´n Grill un ok väl tau Drinken. Wi warden unse Sammelaktion för disse kräwtkranken Kinner un ok för de Kinner von Tschernobyl furtsetten.
Text und Fotos: Uwe Süssmilch
